ФУНКЦЫЯНАВАННЕ БАНКАЎСКIХ УСТАНОЎ НА ТЭРЫТОРЫI БЕЛАРУСI Ў ЗОНАХ ДЗЕЙНАСЦI НЯМЕЦКIХ ЦЫВIЛЬНАЙ I ВАЕННАЙ АДМIНIСТРАЦЫЙ (1941-1944)

Аннотация

Разглядаецца такі маладаследаваны аспект гісторыі Вялікай Айчыннай вайны, як дзейнасць германскіх акупацыйных банкаўскіх устаноў на тэрыторыі Беларусі 1941 – 1944 гадоў. Даследаванне гэтай праблематыкі асабліва неабходна для стварэння агульнай карціны гісторыі ваеннай паўсядзённасці, важны адбітак на якую накладвала фінансавая палітыка нямецкай цывільнай і ваеннай акупацыйных улад. На аснове аналіза раней не ўведзеных у навуковы зварот архіўных крыніц, галоўным чынам нямецкага паходжання, прапанавана рэканструкцыя захопніцкай палітыкі ў фінансавай сферы на прыкладзе практычнай дзейнасці банкаўскіх устаноў. Разглядаецца праблема забеспячэння банкаўскіх устаноў адпаведнымі кадрамі, вызначаюцца іх функцыі і метады работы ў ходзе правядзення крэдытных і ашчадных аперацый. Паказана, што германскія захопнікі мелі доўгачасовыя каланізатарскія фінансавыя планы ў акупаванай Беларусі, каардынацыяй і рэалізацыяй якіх займаліся банкаўскія ўстановы.