БЕЛАРУСКАЯ КУЛЬТУРА Ў НАВУКОВЫХ ДАСЛЕДАВАННЯХ ПОЛАЦКАГА ДЗЯРЖАЎНАГА ЎНІВЕРСІТЭТА

Аннотация

У сучасных інтэграцыйных працэсах, якія адбываюцца ў сусветнай культуры, атрымала новае гучанне і ўвайшла ў шэраг прыярытэтных накірункаў навуковых даследаванняў Рэспублікі Беларусь на 2011 – 2015 гады навуковая праблематыка па сацыякультурнай дынаміцы беларускага грамадства, па гістарычнаму развіццю беларускай мовы, літаратуры, мастацтву, па фарміраванні беларускай нацыі. Для Полаччыны, якая з’яўляецца гістарычнай калыскай беларускай дзяржаўнасці, асаблівую значнасць маюць аналітычныя даследаванні беларускай культуры ў кантэксце духоўна-маральнага і агульнасусветнага культурнага працэсу. Праблематыка гістарычнага развіцця беларускай культуры знаходзіць шматгранны адбітак у сучасных навуковых распрацоўках, якімі займаюцца філосафы, філолагі, гісторыкі, культуролагі, сацыёлагі, у тым ліку этнографы, антраполагі, археолагі, краязнаўцы Полацкага дзяржаўнага ўніверсітэта.