ХХ МІЖНАРОДНАЯ НАВУКОВАЯ КАНФЕРЭНЦЫЯ «СЛАВЯНСКИЕ ЧТЕНИЯ». Даўгавпілс, 14–15 мая 2015 года

Анатацыя

Даўгавпілскі ўніверсітэт адзін з самых вялікіх вузаў Латвіі і згодна з рэйтынгам латвійскіх вузаў – лепшы ўніверсітэт за межамі сталіцы, займае чацвёртае месца сярод найбольш паспяховых вышэйшых школ Латвіі. Сярод гуманітарных навук адным з прыярытэтных з'яўляецца вывучэнне славянскіх культур. Менавіта гэтай тэматыцы і была прысвечана канферэнцыя. Непасрэдным арганізатарам з'яўляецца доктар філалагічных навук, прафесар Ганна Іванаўна Станкевіч. У канферэнцыі бралі ўдзел прадстстаўнікі 10 краін – Польшчы, Украіны, Беларусі, Расіі, Балгарыі, ЗША, Аўстрыі, Латвіі, Літвы, Эстоніі. Пасля ўрачыстага адкрыцця канферэнцыі праца адбывалася ў межах работы наступных секцый: «Славянскія мовы: гісторыя і сучаснасць», «Руская літаратура ў еўрапейскім кантэксце», «Славянскія культурныя традыцыі ў еўрапейскім кантэксце», «Славянскія літаратуры ў кантэксце сусветнай культуры», «Руская паэзія ХХ стагоддзя».