Максім і Гаўрыла Гарэцкія: жыццё і творчасць (да 100-годдзя Першай і 75-годдзя Другой сусветных войнаў)

Анатацыя

Сучаснае гарэцказнаўства складана ўявіць без штогадовай канферэнцыі «Гарэцкія чытанні», па матэрыялах якой выдаецца зборнік артыкулаў, дзе разглядаюцца розныя аспекты жыццёвага, творчага і навуковага шляху братоў Гарэцкіх. Каштоўнасць выдання вынікае з таго, што ў ім друкуюцца рэвю навейшых кніг па тэме, падаецца інфармацыя пра дасягненні навукоўцаў, занятых распрацоўкай актуальных праблем галіны. Дзякуючы намаганням рэдакцыйнай калегіі, чытач атрымлівае магчымасць пазнаёміцца з мастацкімі творамі М. Гарэцкага, што ў свой час пабачылі свет малым тыражом, ці былі апублікаваны ў перыядычных выданнях, якія ператварыліся ў бібліяграфічную рэдкасць.